اهداء الى ابو صرار هذه الكلمات بمناسبة افتتاح المنتدى

من طرف رائد العبيسات 2007-11-20, 2:29 am

خوية درب عمري ما خذانـي دونـه النسيـان
وأنا يأهل الملامه مارغبـت العيـش وحدانـي
أبي لي مهرةٍ ما عسفت صغيرة وبنـت حصـان
ابوها اللـي يفـك المشكلـة ويزبّـن الجانـي
واخوها لا تعزوى باسمها فـزّوا لـه العربـان
يحق لها الفخـر فـي قولـة آل فـلان جدانـي
أبيهـا فـي بحرعشريـن لازودٍ ولا ونقـصـان
أبيها اقصرطويله والوصـوف أشكـال وألوانـي
أبي الجبهة كماالصبح وكما القوس أسود الحجّان
أبيهـا ناعسـات ونرجسـيـه سودالاعيـانـي
أبي رمشٍ كما ريش يغطـي الثلـج بالاوجـان
وأبي جفن يشيـل الرمـش طربـانٍ وكسلانـي
أبي خدٍ كمـا ورد تنمّـى فـي طـرف بستـان
وأبي خشم صغير ومثل حـد السيـف شامانـي
أبي البسمة كما البرق وثناياها كمـا المرجـان
وشفاهـا جمرتيـن وفمهـا خاتـم سليمـانـي
أبي شعر مثل ذيـل الفـرس لاطبّـت الميـدان
أو الشلال لا مـن بـات ليلـة بيـن الامتانـي
أبي جيدٍ سـواة إبريـق فضـة ناتـق مليـان
وصـدر كنـه مرايـه عليـه طلـع رمـانـي
أبي ظهرٍ كما الجدول وقدٍ مثـل غصـن البـان
وخصر مثل مجدول الاعنـان وجسـم رويانـي
أبيهـا نابيـة ردف وبطـنٍ ضامـرٍ جـوعـان
أبيها مدمجـة سـاق وقدمهـا لسـان ثعبانـي
أبيها بنت عـز مـن رغدهـا ينعـم الفستـان
أبي الرقه وأبي الدقـه لهـا بأطرافهـا شانـي
أبي المشيه كما اللي طالع من المعركه كسبـان
وأبيها ترش مـع خطواتهـا مسـكٍ وريحانـي
أبي صوتٍ الا مني سمعتـه كـن فيـه ألحـان
يدغدغ مسمعي ويثيـر كـل السحـر بأشجانـي
أبيها وحب وإخلاص وهواجيس وفرح واحـزان
أبيها مثل ما دكتـور أهالـي العشـق وصّانـي
أبيهـا لوحـة مـا صورتهـا ريشـة الفنـان
أبيها جوهـرة مـا جابهـا قاصـي ولا دانـي
أبيها تنتصرلـي مـن زمـان حطنـي نيشـان
وتبشر بالغلا اللي مـا لفـا بـه واحـدٍ ثانـي
مهرها قلـب وشعـر يهـز القلـب والوجـدان
وألبسها القصيـد وتصبـح أوزانـي وقيفانـي
أبي اللي فات واللي فات صعب ومن لقى العنوان
يرد والعلـم ولا إنـي أفضـل أبقـى وحدانـي