بطاريات الخلوي ... مشاكل وحلول

من طرف sailorman 2007-05-02, 3:10 am

الكثير ممن يملكون الأجهزة الجديدة يقولون البطارية مش أصلية ما بتقعد معي أكثر من يوم وهو صادق . فهي لا تكمل 15 - 18 ساعة لكن هل سأل نفسه لماذا ؟ أو ممكن يقول البطارية خربانة صاحب المحل ضحك علي او الى اخره..

في هذا الموضوع اذكر لكم الأسباب والطرق ألي تحافظ على البطارية مدة أطول وكيف تتأكد من أن البطارية أصلية ام لا

أولا: الأسباب التي تؤدي إلى نفاذ البطارية بسرعة:

1- إضاءة الشاشة إذا كانت على أعلى مستوى فهذا يصرف أكثر من نصف طاقة البطارية للشاشة عند إنارتها ، لكن لما تقلل الإضاءة تضعف الدقة لذلك خليها زي ما هي أحسن أصحاب الجوالات 6630 و 6680 و 6681 و 6260 لا يعانون من هذه المشكلة لأن هناك حساس للضوء يلعب في إضاءة الشاشة والجوال 6260 لما تقفله اطفي النور ، إذا حاب تعرف من وين تقلل الإضاءة روح على الإعدادات ومنها إلى الهاتف ومنها إلى العرض ومنها إلى أول وحدة السطوع.

2- البلوتوث ألي دايما شغال وين ما كان حتى وأنت في السرير فهو ايضا سبب .

3- إطفاء الجوال وبعد عشر دقائق بتروح وانت مشغلو. هل تعلم أن إطفاء الجوال إطفاء تام وتشغيله 10 مرات ممكن أنه يوصل البطارية إلى المنتصف يعني نصف الطاقة تروح على الفاضي .

4- ماشي في السوق ولا في السيارة والمسجل خربان وبدك تشغل الجوال وتسمع الأغاني على المكبر والأفضل استعمال السماعة الخارجية لأنها أوفر بكثير من المكبر يعني ساعة في المكبر تعادل 2.30 في السماعة الخارجية (ليس المقصود سماعة البلوتوث)

5- سماعة البلوتوث ليس لها التأثير الكبير إلا على ألي بسمع فيها الموسيقى لأنها تبقي البلوتوث شغال و ألي بحكي كثير بالجوال لأنها تشغل 2 في واحد زي بيرت بلس المهم هي مفيدة وأفضل من ناحية طبية لأنها تبقي الجوال بعيد عنك

6- عند النوم يفضل إطفاء الجوال أو إذا ما تحب تطفيه ممكن تحطه على وضع offline بالنسبة للجوالات 6630 و 6680 و 6881 وما بعدها لأنها فيها هذه الخاصية وهي أنه يقوم بفصل الإستقبال من البرج يعني كأنه مطفي لكن إقفال الجوال أفضل. البعض يقول طيب والمنبه يعني ما أروح على الدوام ما أروح على الجامعة عادي ما في مشكلة إذا وقت المنبه وطفيت الجوال ا تأكد إذا فيه بطارية راح يرن وبعد ما يخلص المنبه أو تسوي له ستوب راح يقولك بدك اياني أشتغل ولا لا وأنت تسوي نعم ويشتغل الجوال جرب الطريقة إذا حبيت تتأكد .

7- اللعب بالألعاب كثيرا لأنك تشغل المكبر والشاشة والأزرار هذا فقط من ناحية الإضاءة والصوت غير المعالجات الداخلية ألي بتشتغل .

8- تشغيل الكاميرا باستمرار يعني دايما بتصور ما بتصور شغالة الكاميرا هذا يضعفها ايضا .

9- التصوير الكثير ألي ما له داعي وخصوصاً في الجولات 6680 و 6681 وما بعدها من التي يوجد بها فلاش لأنه يستهلك كثير من البطارية .

10- توصيل الجوال بالكمبيوتر على طول زي 7610 و 6630 و 6880 و 6881 وما بعدها أنا أقصد الكيبل ألي بيجي مع الجوال على طول حاطه في الكمبيوتر وينقل ملفات ويشيل ويحط ويسوي وغيره وغيره او وصلة البلوتوث مثلا .

11- وأخيرا ترك البرامج تعمل في الخلفية طيب كيف أعرف أنه في برامج شغالة؟خليك ضاغط على زر القائمة تظهر لك قائمة صغيرة في أعلى يسار الشاشة تبين البرامج ألي شغالة حالياً تنزل على البرنامج وتضغظ على C وسوي موافق أو نعم أو yes وهو يقفله وتكرر العملية على البرامج الباقية .

12-الأتصال بشبكة الثري جي حتى في حالة عدم أجراء أي مكالمة فيديو. لمن توجد عنده هذه الخدمة
فهي تسهم في زيادة أستهلاك البطاريه
لذلك يفضل أن تختار الأتصال بشبكة ال جي أس أم في حالة عدم أستخدامك الى هذه الخدمة.
ويمكنك ذلك من الضبط > الشبكة > جي اس أم // المزدوج ( الثري جي )

ثانياً: كيف أحافظ على البطارية من الخراب و أسباب خرابها:

1- اترك الجوال على الشاحن حتى تمتليء البطارية يعني ما تشيلها إلا لما تشوف انو ا البطارية ممتلئة إذا شلتها قبل ما تمتليء عدة مرات يعني مش مرة ولا مرتين يعني 10 أو 20 مرة هذا يضعف البطارية وتصبح جودتها كلام فاضي يعني روح على أقرب محل واشتري بطارية .

2- ترك الجوال على الشاحن حتى بعد تعبئة البطارية لأن ذلك يقلل من جودتها. البعض يقول طيب خلي البطارية على الشاحن 8 ساعات هذا لما تشتري جهاز جديد وصاحب المحل بدو يتفلسف عليك بقولك حط البطارية بالجوال وعلى مسؤوليتي ما بصير شيء واشتغل فيها لما تفضى واشحنها وخليها لما تفضى هذا هو الصح مش 8 ساعات شحن .

3- الشحن والتفريغ للبطارية هذا يزيد من جودتها وهذا موجود في دليل الجوال وهي صحيحة مية بالمية لكن كيفية الشحن والتفريغ ؟ الجواب: بعد ما تشحن البطارية تسيب الجوال يعني ما تلعب فيه ولا بلوتوث ولا غيره بس إرسال وإستقبال مكالمات بس كلها اربع أو خمس مرات وتصير البطارية عادي أنا عارف أنها أصعب شيء لكن أنا شاري جوال بالمبلغ الفلاني عشان أرسل واستقبل مكالمات أشتري 3310 أحسن مثلا. أنا أعاني منها لما أغير الجوال أطفش والمصيبة البطارية على هذا الوضع بتقعد من2 - 4 أيام مصيبة والله البعض يشحن ويقعد يلعب ويشغل الجوال كامل عشان يفضيها ويشحنها ثاني مرة وهذا غلط ما فيه فايدة ربما يؤثر ولكن قليلا، يزيد من الجودة. شيء لا يذكر معدل خمس دقائق بس.

4- كيف أتأكد أن البطارية أصيلة 100% ؟ تروح على هذا الموقع وهو موقع نوكيا وتشيل الغطاء الخلفي للجوال تحصل على البطارية ملصق باللون الذهبي صورة متحركة وفي بجانبها خط أسود

هنا رابط الموقع